Le rondanine

Alora prest le vegn. Sot al travel
mi, intant, a gh'ò inciodà dò bele as-sine
parchè mi so che acsì le fa pu bel
a far al sö gnalin, le me putine.

Sa m' par ch' le gh' briga, ch' a sia succes quel ?
ch' a so ch' a gh'è dle rê, cle birichine
che purtrop le gh' fa dentar on flagel:
ch' le gh' sia cascade dentar, poarine ?

Molele mo' , jè mie , lasèle andar
par la sö strada , ch' lè na strada bona;
ma da far a ciaparle , par magnar ?

e po', jè le galine dla Madona
e la mama la dseva; lasle star,
s' a t' vö che la Madona la t' perdona.

home